Hausa-Chat

Networking Hausa Lands

LAFIYAR MATA DA YARA: Amsoshin Tambayoyi 02

Na samu bari kusan wata hudu da suka wuce, ko zan iya samun wani juna biyun cikin dan lokaci?
Daga Khadija S
Amsa: Wannan ita ce tambaya da mata da dama kan yi  wa likitoci bayan sun yi bari; wato wata nawa ya kamata a jira kafin a sake daukar wani cikin. Sababbin bayanai na binciken likitocin mata sun tabbatar da cewa an fi so idan mace ta yi bari to da al’ada ta daidaita, ba sauran jiran wasu watanni har ma wata hudu. Wasu ma kafin al’adarsu ta farko ta dawo sun riga sun samu wani juna biyun. Hakan shi ya fi, tun da binciken ya nuna cewa cikin da aka sake dauka tsakanin watanni 6 bayan bari zai wahala ya sake barewa. In kuma har ya sake zubewa to fa matsalar babba ce sai an kai ga bincike-bincike da aune-aune don gano matsalar.

Yaki da cin hanci: Rashin tabbatar da ni ba zai karya min gwiwa ba – Magu

Malam Ibrahim Magu Muqaddashin Shugaban Hukumar EFCC

Shugaban Hukumar Yaki da yi wa Tattalin Arziki Tu’annati (EFCC), Malam Ibrahim Magu, ya ce rashin tabbatar da shi a kan mukaminsa ba zai karya masa gwiwa ba a yaki da almundahana da cin hanci da rashawa da yake yi.
Malam Ibrahim Magu, ya bayyana haka ne a kofar Majalisar Dokoki ta kasa a lokacin da yake ganawa da masu fafutikar kare hakkin dan Adam bayan an ki tabbatar da shi a kan mukaminsa, ya ce zai ci gaba da yakin ko an tabbatar da shi ko ba a tabbatar da shi ba.
Ya ce babu take hakkin dan Adam da ya kai cin hanci da rashawa, inda ya ce alhakin yaki da cin hanci da rashawar ya rataya ne a kan kowa da kowa.
Shugaban ya ce zarge-zargen da aka yi masa ba za a iya tabbatar da su ba, kuma ya ce ba a ba shi damar kare kansa ba.